Entertainment • Headlines

Kajol tou Delhi High Court order jitishey

2 weeks ago

New Delhi, 20 February : Bollywood actress Kajol itia personality rights protect karibo karone court jaise.
Delhi High Court tai favor te interim order dise, aru permission nathaka bhabe tai naam, photo, voice aru likeness commercial kaam karone use nakoribo kuina mana dise.

ANI report hisab te, Justice Jyoti Singh order dise ki eku organisation para Kajol laga identity misuse koribo naparibo — tai naam loina product becha, digital content bana, aru commercial kaam kuribo naparibo. Order tou artificial intelligence aru deepfake technology use korina fake video para photo bana aru circulate koribo upor bhi strictly mana dise. Court aru itu bhi direction dise ki online te thaka eku obscene ba inappropriate content juntu Kajol laga naam aru image use kori publish hoise, etu sob hatai dibo.

Kajol aji-kali bisi celebrity khan list te join hoise ki public figures khan nijor identity protect karone court jabo lagise, karon celebrity image aru deepfake misuse barhi jai ase. Recent months te actor khan Vivek Oberoi, Salman Khan, Aishwarya Rai, Abhishek Bachchan, Amitabh Bachchan, Karan Johar, Rishab Shetty, Jaya Bachchan, Hrithik Roshan aru Akkineni Nagarjuna bhi same type plea loi court paahunchise.

Recently, Bombay High Court bhi Bachchan family aru film industry laga logot similar order dise, kuntu permission nathakile celebrity identity commercial use koribo upor strong protection dise.

Meanwhile, singer Jubin Nautiyal bhi Delhi High Court te nijor personality rights protect karone plea file korise. Kintu court question uthaise ki Uttarakhand te thaka artist hoi kene local court te kiley najai. Tai lawyer koise ki Ministry of Electronics and Information Technology (MeitY) aru Department of Telecommunications (DoT) laga headquarters Delhi te thaka karone Delhi High Court approach korise. Itu case te aji porjonto eku order ahia nai.

Kaam laga kotha te, Kajol last dekha jaise film Sarzameen (2025) te, kitia tai logot Prithviraj Sukumaran aru Ibrahim Ali Khan ase. Itu age, tai Maa film te bhi act korise, juntu June 27, 2025 te theatre te release hoise.