Washington, February 21, 2026: U.S. Military para Friday te koi she ki, tai khan hamla kure she, ekta ship laga opor te, kunto bea dawai khan bukhe thake she, Easetern Pacific Ocean te. U.S. Southern Command para social media te koi she ki, boat toh bea dawai bukhea laga rasta te para jai thake she Eastern Pacific te, aro bea dawai traffic laga operations khan kure thake she. Ertu hamla te tin jun mure she koi she.
Ekta video te de khe bole pare she ki, boat ekta pani te jai thake homoi, phute jai she. Friday laga hamla piche te, etia toh Mr. Trump laga administration khan para 148 manu morai de she, boat te bea dawai bukhea khan laga opor te hamla kurea te. Etu te 43 hamla hoi she, September para shuru kure kena aji tuk, Caribbean Sea aro eastern Pacific Ocean te.
Manu beshe toh etu hamla khan laga opor te sawal otha ase, first hamla te manu kumba bachea khan ke morai dea laga opor te. Trump administration aro beshe Republican lawmakers khan para ki she ki, etu toh legal ase, aro kure bole lagea. Aro Democartic lawmakers khan para koi she ki, etu toh murder ase.
Add Comment