Manipur: Police khan para duata KCP member dure she Imphal West te

Imphal, February 22, 2026: February 21 te Manipur police khan para KCP (PSC) laga ekta member ke dure she tai laga ghor te para, kunto Takyel Khongbal te ase, Lane No. 21, etu jaga toh Lamphel Police Station laga betor te ahea, Imphal West district te. Tai laga nam toh Jany Kangjam ase koi she, aro sal toh 23 ase. Officials khan para koi she ki operation kurea homoi ekta mobile phone aro Aadhaar card pai she. Utu din te he, Manipur Police khan para ekta KCP (PWG) laga member dure she Minuthong te para, kunto Imphal Police Station laga betor te ahea, Imphal West district te. Poilce khan para koi she ki tai extortion laga kam khan kure thakea.  Tai laga nam toh Puyam Sindur Singh ase, aro tai 43 sal ase, tai Moirangkhunuo Maning Leikai te buhea koi she, kunto Bishnupur district te ase. Tai etia karne Langol Nongthou Leikai te buhe thake she koi she. Tai laga hath te para ekta mobile phone pai she koi she.