Manipur announce kure she tai khan tin din karne state mourning thake bo MLA Vungzagin Vale karne

Imphal, February 22, 2026: Government of Manipur para announce kure she tin din karne State Mourning thake bo, Vungzagin Valte laga nam para, kun 56- Thanlon Assembly Constituency laga ekta MLA thake she, tai February 21, 2026 te mure jai she. Official order laga hesab te, kunto General Administration Department para issue kure she, Governor para direct kurea laga hesab para, State Mourning toh February 22 para shuru kure kena February 24 tuk thake bo Manipur te. Etu time te, National Flag toh ahda te he ora bo post te, State laga sob government buildings khan te. Aro government para announce kure she ki, February 22 para 24 tuk toh eku be official entertainment natha ke bo. Aro order te Director General of Police Manipur khan ke koi she, full police honours de bole, funeral laga jaga te. Order laga copies khan constitutional authorities, administrative secretaries, deputy commissioners, department laga head aro media agencies khan de deshe koi she. Valte murea toh Manipur laga politics te dangor ekta loss hoi she.