New Delhi, 23 February : Tihar Jail pora ulaina, Rajpal Yadav shoot phir shuru korise
Actor Rajpal Yadav Tihar Jail pora ulai thaka pichete, phir pora shoot shuru korise. Actor ke ₹9 crore debt aru cheque bounce case logot related matter te February 16 din interim bail dise. Jail te thaka somoy te, bisi Bollywood celebrity khan tai ke financial help koribo aage ahise kuina report ase.
News agency ANI laga Monday update anusar, Rajpal Yadav laga team koi dise ki actor Mumbai pohoncha laga loge-loge shoot shuru korise. Tai February 28 din Mumbai te ekta press conference rakhibo schedule ase.
Tihar pora ulai thaka pichete, Rajpal media logot kotha koi nijor arrest laga kotha mention korise aru support diya sob manu khan ke dhanyabad dise. Lawyer khan logot para hunia te tai koi dise ki tai sob help karne hamesha grateful thakibo.
Etu case tu ekta dos saal purana loan repayment laga mamla ase. 2010 te Rajpal Yadav Delhi laga Murali Pvt Ltd pora ₹5 crore loan loise nijor directorial film Ata Pata Laapata karne. Film box office te flop hoa pichete, tai loan repay koribo parianai. Itu pichete actor diya seven cheque bounce hoise aru legal action loise.
2018 te magistrate court Rajpal aru tai laga wife Radha ke Negotiable Instruments Act laga Section 138 anusar doshi sabit korise aru six month simple imprisonment sentence dise. 2024 te court tai laga sentence suspend kori dise aru baki thaka amount clear koribo “sincere aru genuine steps” lobole order dise. Itu tak outstanding amount ₹9 crore pohonchise.
February 2, 2026 te Delhi High Court Rajpal ke surrender koribo order dise, jitia tai court te inform korise ki amount repay koribo tai logot means nai. Itu pichete tai surrender kori Tihar Jail te pathaise.
Jail te thaka somoy te actor Sonu Sood publicly financial help offer korise aru upcoming project ekta te Rajpal ke sign kori token remuneration diya, aru industry laga sob manu ke aage ahibo urge korise. Etu pichete Rajpal laga manager reveal korise ki Salman Khan, Ajay Devgn, Varun Dhawan aru aru celebrity khan tai ke help koribo aage ahise.
Add Comment