Guwahati, February 24, 2026: Rajya Subha laga MP Sushmita Dev para lekhe kena de she Cachar laga Senior Superintendent of Police (SSP) ke, juldi action lobole, Silchar laga rape case opor te.
Cachar laga SSP Partha Pratim Das, IPS, ke letter dea hesab te, Silchar by-pass rasta te, February 19 te rape case ho opor te tai laga concern express kure she tai. Sushmita para koi she ki, case toh aro ekbar beshe sawal otha ase, Silchar town thakea manu khan laga security aro safety opor te.
Dev para be koi she ki, rape ho time te, police administration khan Union Home Minister Amit Shah ahe bole karne kam kure thake she, aro Assam laga Chief Minister be Barak Valley te ahe bole karne. Tai investigation te kiman steps loi she, etu khan laga jankari khan mangea ase, tai koi she ki etu mamla toh beshe sensitive ase. Tai koi she ki, Silchar By-pass aro osor jaga khan te enia mamla khan beshe hoi, aro public khan te bera bole safe nai hoi she, especially rati te.
Tai laga letter te tai SSP ke juldi action loi kena, manu kun rape case te mamla thake she tai khan ke dure lobe koi she, aro tai khan laga opor te strict legal action lobe koi she. Aro Silchar laga by-pass rasta te rati te patrol kurea othai de be koi she.
Add Comment