Gangtok, February 24, 2026: Sikkim te beshe snow gerea toh, Indian Army laga troops khan becha bole laga mission shuru kure she Op Himrahat laga betor te, February 22 te, manu phase ja khan ke modok kure bole aro tourist khan ke bacha bole karne.
Achanak para beshe snow gerea aro thanda ho toh, tourist gare khan rukhe jai she East Sikkim te, manu khan ke thanda te rokhai de she. Poilce khan juldi etu jaga khan te jai kena bacha bole laga kam khan shuru kure she.
Tai khan 46 tourist ke sob se osor Army camp te loi jai she, aro medical examination khan loi she, aro gorom kure she tai khan ke. Tai khan ke khana khan be khelai she koi she. Medical team khan para koi she ki, bacha manu khan toh stable te ase aro thik para sai dea piche tai khan jabole dea ase. Army khan 150 tourist gare be safe jaga te loi jai she, aro traffic ke chule bole de she, aro manu khan ke thanda te phase bole de nai.
Op Himrahat khan thik time te action lo karne, jaga te traffic khan thik para jabole pare she aro manu khan ke thanda te para bacha bole pare she.
Add Comment