New Delhi, 24 February : Dhurandhar 2 (Dhurandhar: The Revenge) logot excitement etiya barhi ase, karon makers etiya tak official characters reveal kora nai. Film tou agla mahina release hobole ase. Release age, bishi report ahise ki possible cast leak hoise, jitu te claim korise ki Emraan Hashmi aru Yami Gautam upcoming sequel tu te thakibo pare.
Dhurandhar 2 cast loi buzz uthise ekta alleged casting “leak” Letterboxd te. Itu update etiya delete korise, kintu film laga official cast list te Dhurandhar part 1 pora thaka bishi actors naam ase — Arjun Rampal, R. Madhavan, Sanjay Dutt, Sara Arjun, Danish Pandor aru Rakesh Bedi.
Jitia film laga official cast list besi bhag lukai rakhise, Emraan Hashmi laga naam bhi list te ulai ahise. Kintu, Hashmi laga character ki hobo, itu loi eku detail mention kora nai. Itu viral post tu jodi mani lua jai,
Yami Gautam bhi notun addition hisab te cast te thakibo pare.
Itu majot, multiple reports suggest korise ki Emraan Hashmi film laga main antagonist, Bade Sahab, role te thakibo pare. Bade Sahab character tu Dhurandhar 1 te dialogues aru notes te bishi bar mention korise, kintu screen te kunuba din bhi dekha nai.
Fans manu ase ki Hashmi hi Bade Sahab ho bole pare — itu ekta code word ase jitu shayad real-life notorious crime world logot jori thaka kunuba dangor character ke indicate kore. Kintu, etiya tak Hashmi ba film laga makers kunuba official comment diya nai.
Dhurandhar ekta two-part film ase. Prothom part tu December 5 te theatres te release hoise aru Bollywood laga dangor hit films majot ekta mani lua jai. Film tu box office history bhi rewrite korise, Pushpa 2: The Rule ke beat kori, Allu Arjun laga film ke pichete, highest-grossing Hindi film of all time bonise.
Dhurandhar 2 19 March te pan-India format te release hobo, aru itu clash koribo Yash laga upcoming film Toxic logot.
Film tu back kori ase Jyoti Deshpande, Aditya Dhar aru Lokesh Dhar, Jio Studios aru B62 Studios laga banner niche.
Add Comment