Aizawl, February 25, 2026: Yete sob milai kina Rs 15.59 Crore nishina khan toh. Mizoram laga 5,436 families khan ke bhak kuri dishe koishe. Yete taikhan laga gahuri khan African Swine Fever (ASF) para muri ja nimete. Aru Formal tarika para poisa dea laga program toh kurishe koishe. Etu toh MINECO Office Champer of Animal Husbandry & Veterinary (AH&Vety) Department te.
Programme laga title toh “Distribution & Launching of ASF Compensation,” ase koishe. Aru yete AH&Vety Minister C. Lalsawivunga bi ahishe koishe. Aru tai para koishe ASF laga bimar first toh March 21, 2021 saal te. Lunglei District laga Lungsen para ulaishe koishe. Aru etu pichete sob jagate phila suru hoishe koishe bimar toh.
Yete sob milai kina 11 Districts laga 26,179 gahuri murishe koishe. Aru etu khan toh Scheme bitor te cover kurishe poisa phane. Aizawl District te sobse bishi paishe koishe. Yete 1,302 Families khan te 10,926 gahuri murishe. Etu pichete Serchhip te 2,382 families te 7,119 Gahuri murishe. Lunglei te 611 Families te 3,287 gahuri murishe. Aru alak Kolasib, Mamit, Saitual, Khawzawl, Hnahthial, Siaha, Champhai aru Lawngtlai Districts khan bi poisa paishe koishe.
Add Comment