Hobart, 26 February : Regulation time te tight 1-1 draw pichete, India men’s hockey team FIH Men’s Pro League 2025-26 laga Hobart segment ke positive note te sesh korise. India shootout te Australia men’s hockey team ke 3-1 te harai bonus point pai dise. India karone Shilanand Lakra (51’) goal korise, aru Australia karone captain Jeremy Hayward (49’) score korise. Shootout te Lakra, Maninder Singh aru Vishnukant Singh nijor chance convert korise, aru young goalkeeper Mohith Honnenahalli Shashikumar important save kori India ke jitai dise.
Match laga first quarter te contest khub close thakise. Australia besi possession rakhi thakise, kintu India strong defense aru bhal counterattack pora resilient thakise. Mohith Honnenahalli Shashikumar early stage te key save kori team ke game te rakhi thakise. 11th minute te India first penalty corner paise, kintu Amandeep Lakra laga dragflick first rusher pora block hoise. Piche left side pora India aru ekta dangor chance bonaise, kintu Abhishek laga shot goal miss kori jaise.
Second quarter pura time duita team level te thakise. 16th minute te Abhishek circle bhitor ball control korina goal age teammate ke pass dise, kintu Manmeet Singh laga shot Australian goalkeeper save korise. 25th minute te Australia penalty corner paise, kintu India laga Suraj Karkera stick pora bhal save kori host ke score koribo diya nai.
38th minute te India second penalty corner paise, kintu Araijeet Singh Hundal laga attempt asani pora stop hoise. Olop piche, tai Amit Rohidas pora back pass paise, kintu deflected shot khub olob pora goal miss korise. Australia 42nd aru 45th minute te consecutive penalty corner paise. First te Joel Rintala laga dragflick post te lagise, piche Mohith line te vital save kori rebound te aru ekta block korise. Indian goalkeeper third-quarter penalty corner te bhi nijor strong form continue korise.
Final quarter te scoring shuru hoise jitia Australia 49th minute te penalty corner pora captain Jeremy Hayward goal kori lead loise. Piche pora, India turant respond korise. 51st minute te Hardik Singh sharp pass pora attack shuru korise, Abhishek right side pora ball loi Poovanna Chandura Boby ke accurate pass dise, aru tai perfect setup kori Shilanand Lakra (51’) ke goal maribo dise. Etu goal pora match level hoise.
Momentum India laga side te, sesh minutes te India aggressive attack kori multiple penalty corner aru bhal chance bonaise. Kintu duita team pora aru goal nohoi, aru match shootout te jai.
Add Comment