Alexander Sorloth laga hat-trick para Atletico Madrid ke Champions League last 16 te loi jaise

Madrid, 26 February : Atletico Madrid karone Alexander Sorloth hero hoise, jitia powerful striker tai laga hat-trick pora Club Brugge ke harai dise. First half te Club Brugge Atletico ke khub problem dise.

Sorloth aru Atletico laga goalkeeper Jan Oblak — juntu rati bohut dangor save korise — duita team majot main difference hoise. Atletico rati laga match te 4-1 jitise aru aggregate te 7-4 pora aage barhi jaise.

Match laga first key moment 13th minute te ahise, jitia Atletico forward Giuliano Simeone Simon Mignolet laga challenge piche girise. Kintu contact hoa time te ball already out of play thakise, etu karone penalty diya nai, Xinhua report koise.

Club Brugge khub bhal khelai thakise. Ekta neat move pichete Christos Tzolis Hans Vanaken logote combine kori Hugo Vetlesen ke ball dise. Tai laga shot Oblak ke beat korise, kintu David Hancko goal line pora ball clear kori dise.

Itu pichete Carlos Forbs Atletico laga left back Matteo Ruggeri ke beat kori aru ekta chance bonaise. Jitia Atletico upor besi pressure thakise, titia Sorloth score open korise. Oblak laga long clearance pora tai defence piche run kori left-foot shot pora Mignolet laga niche pora goal marise.

Etu goal piche game phir para open hoise. Simeone laga header olop pora miss hoise aru Marcos Llorente Sorloth ke second goal karone set up koribo lagise. Kintu Club Brugge corner pora equalise korise, jitia Joel Ordonez near post flick piche empty net te header kori goal marise.

Oblak pichete ekta miracle save kori score level rakhi dise, jitia tai Tzolis laga diving header ke block korise — ball almost net bhitor jabole lagise.

Second half shuru hoa piche khali duita minute bhitor Johnny Cardoso Atletico ke tie te fourth bar aage loi jaise. Weak clearing header tai laga pa bhitor ahise aru tai low drive pora Mignolet ke beat korise, goalkeeper late dekhi paise.

Etu goal piche Atletico deep te drop kori Belgian team ke play bonabo dise, aru Sorloth attack te ball chase kori thakise. 76th minute te tai laga mehnat reward paise. Antoine Griezmann aru Ademola Lookman involve thaka attack piche Lookman laga shot Sorloth logote ahise aru tai close range pora second goal marise.

Sorloth laga hat-trick time pora char minute age ahise, jitia short corner routine piche Ruggeri cross dise aru tai far post te volley pora Mignolet ke beat korise.

Atletico etiya last 16 te Tottenham Hotspur naki Liverpool logote khelibo.