Itu Northeast India te, dangor dangor nodi aru rugged terrain thaka karone, hydropower banabole dangor potontial ase. Arunachal Pradesh, Sikkim, aru Assam jiman jagah khan ke renewable energy source te hydropower use koribo nimite bisi important hisab te dhora hoi ase, aru pura milaike 58,000 MW potontial estimate kora hoise. India jiman fossil fuel upor te depend komabo aru cleaner energy loi jabole try kori ase, hydropower ekta important part hisab te dhora hoi ase. Kintu, Northeast te besi dam banabo nimite jiman aggressive push ase, etu karone environment aru socio-cultural dik te dangor chinta uthise.
Itu jagah duita global biodiversity hotspot — Eastern Himalayas aru Indo-Burma — te pora bhi ase, juntu karone etu area bisi delicate. Dangor dam banabo pora fragile ecosystem disturb hobo pare, indigenous manu khan ke jagah pora uthai dibo lage, aru nodi laga landscape juntu manu aru jantu khan century pora depend kori ase, etu change hobo pare. Subansiri Lower Hydroelectric Project to bhi bohut saal pora protest face kori ase, karon manu khan bhoy pai ase ki earthquake te damage hobo pare, biodiversity komi jabo, aru local community khan ke jagah chari dibo lage. Arunachal Pradesh te bhi aji 150 pora besi hydropower project ase juntu same problem face kori ase.
Environment dik te ekta main problem hoise nodi laga ecosystem te effect. Dam banabo pora nodi laga natural flow block hoi jabo, juntu pora fish migration, balu aru mati jabo, aru paani laga quality komi jabo. Brahmaputra aru etu laga tributary khan, juntu Assam aru bahar laga lakh lakh manu khan laga life line, etu bisi vulnerable ase. Upor te, Northeast ekta seismically active jagah te pora ase. Etu jagah te dangor dam banabo pora earthquake ba dangor pani ulaile disaster hobo danger besi ase, juntu Uttarakhand te bhi hoise.
Social dik bhi bisi important ase. Northeast laga indigenous community khan laga land aru nodi te spiritual, cultural aru economic connection dangor ase. Zabardasti jagah chari dibo lage aru thik se rehabilitation nohoile protest aru resentment dangor hobo. Bisi time, planning te local manu laga voice ignore kori di ase, aru environmental impact assessment to rush kori di ase ba manipulate kori project laga time fit koribo nimite. Etu transparency nohoile state aru local manu majot trust komi jabo.
Hydropower energy security aru economic development nimite important thakile bhi, environment sustainability aru social justice sacrifice kori nohok. Balanced approach lagibo — dangor dam nohoi, kintu choto run-of-the-river project prefer kori dibo lage, honest aru thorough environmental impact assessment kori dibo lage, aru local community khan ke decision-making te include kori dibo lage. Disaster preparedness aru monitoring system bhi strong kori dibo lage, karon etu jagah bisi delicate ase.
Last te, Northeast India te sustainable development karibo hole, etu jagah laga unique ecological aru cultural landscape ke respect kori dibo lage. Hydropower jodi responsibly banai, bhal hobo. Kintu profit aru policy target nimite jodi banai, etu irreversible environmental damage aru social conflict banai dibo pare. Green future banabo nimite etu jagah protect kori thaka manu khan laga voice aru right ke dubai dibo nohoi.
Add Comment