March 1, 2026: Nagaland toh India laga Northeastern phane ase. Aru green hills, dhunni forest aru Colourful tribal Culture nimete manu khan bishi jane. Capital toh Kohima ase. Aru sobse asili Commercial Center toh Dimapur te ase. Hoilebi Nagaland toh natural sundur te dhunni thakhi kinabi. Hudai saal state te natural disasters khan toh lok pai thakhea. Etu Disaster khan para manu laga live ke jokhum kurea, ghor khan bia kuri dea. Aru Development laga rasta bi aste kuri dea.
Aru sobse bishi Natural Disaster Nagaland te toh Landslides khan ase. State te bishi ucha bahar khan thakhea. Etu nimete panni girea laga season te bishi hoi. Etu toh May para September tak. Panni bishi giri kina Mati ke norom kuri dea. Aru enika homoi te. Dangor pathor aru bishi panni khan toh pahar niche te giri kina ahea. Yete Landslides khan para rasta bon kuri dea, Ghor bia kurea aru kunba homoi te toh manu kebi jokhum aru murai dea. Bishi bosti khan toh towns khan para kati dea. Yete rasta khan toh din din aru weeks nishina bon kuri dea nimete.
Yete panni flood ekta jamala ase State te. Yete bishi diri nishina panni giri kina aheale. Yete Nodi aru nala khan toh over bishi hoijai panni para. Aru mati olop niche thakhea khan. Yete Dimapur khan te flooding bi hoi jai. Etu floods khan para kheti, ghor aru Public Property khan sob bia kuri dea ase. Yete Kheti kurea manu khan kebi bishi loss kuri dea. Aru Kha laga panni khan bi napa hoijai. Yete panni floods hoa nimete.
Alak toh Earthquake ase. Yete Nagaland te bishi chinta ase. Kile koile State toh bishi upor Seismic Zone te. Etu toh Earthquake ahibole bishi chance ase. Hoilebi bishi dangor earthquake toh eman hoa nai, Hoilebi etea bi risk toh bsihi ase. Aru earthquake dangor aheale Buildings, rasta aru Bridges khan bi bia kuribole chance bishi ase. Aru bosti phane ghor khan toh eman sakat para bana laga toh bishi nai koishe. Yete para aru bia hubole chances bishi ase.
Etu nimete Government aru Local Communities khan Natural Disaster para eman jokhum nakhabo nimete. Awareness Programs khan kuribole lagea. Yete manu khan kinaki nijor ke bachabole lagea, ki kuribole lagea. Etu shikabo lagea ase. Yete Earthquakes aru Panni floods khan ahea homoi te. Aru yete ghor aru Rasta khan bi masbut para banabole lagea. Aru etu ekila nahoi kina Ghas khan lagabole laga programs khan bi kuribole lagea ase. Yete ghas kiman bishi hubo eman chances komti thakhea mati norom hubole.
Add Comment