Sikkim: Aro ekbar 3.2 magitude laga earthquake ahe she Sikkim te

Gangtok, March 1, 2026: March 1 te, aro ekbar 3.2 magnitude laga earthquake ahe she Sikkim te, Himalayan state khan te beshe earthquake khan ahea ase aji kali. National Center for Seismology (NCS) laga preliminary data laga hesab te, earthquake toh 3.2 thake she Richter scale te, aro eman niche te be thake nai koi she. Beshe jaga khan te jane bole pare she koi she. Reports khan toh pai nai, ghor khan bea ho, nahoile manu jokhom aro murea laga. Sikkim toh Seismic Zone IV laga betor te ahea, aro ja hafta kahn te beshe earthquakes khan ahea ase. Etu moina laga shuru te be 3.5 aro 4.1 magnitude laga earthquakes ahe she, aro ja moina February te be 2.8 aro 3.6 magnitude laga earthquake ahe she. Experts khan para koi she ki northeast te toh earthquake ahe bole beshe chance ase, Himalayan tectonic belt te thakea karne, kute Indian aro Eurasian plates thungea. Earthquake khan toh chutu khan he ase hoile be beshe bar enia ho toh manu khan olop munduk te ase. Authorities khan mamla toh thik para sa ase, aro manu khan ke alert thake be hoile be panic nakure be koi she.