New Delhi, 2 March : Zee Cine Awards 2026 te Kriti Sanon karne ekta dangor rati thakise, jetiya tai Best Actor in a Leading Role (Female) trophy jiti loise Tere Ishk Mein te tai laga performance karne. Kintu social media te sob manu khushi nohoi. Bishi user khan disappointment express kori, koi ase ki Yami Gautam he Haq te tai laga role karne besi deserving thakise.
Mumbai te recently hold kora award ceremony te Kriti ke Best Actor In A Leading Role (Female) declare kori dise. Tai logot nominate thaka actor khan ase: Yami Gautam (Haq), Triptii Dimri (Dhadak 2), Sonam Bajwa (Ek Deewane Ki Deewaniyat), Kangana Ranaut (Emergency) aru Aneet Padda (Saiyaara).
Social media te bishi manu convinced nohoi Kriti laga win loi. Kunba manu Reddit nisina platform te jai tai laga disappointment janai dise, aru final decision loi ekta bisi debate shuru hoise. Bishi user khan insist kori ase ki Yami he Haq te tai laga strong performance karne trophy pabo lagise.
Aanand L Rai laga romantic drama Tere Ishk Mein te Shankar (Dhanush), ekta fiery student leader, aru Mukti (Kriti) laga turbulent aru passionate relationship follow kore. Film release hua pichete bishi criticise hoise; kunba manu film ke “toxic” koise, aru makers khan problematic behaviour promote kori ase kuina accuse kori dise. Film tu November 2025 te theatre te release hoise. Itu ke Aanand aru Dhanush laga 2013 hit Raanjhanaa laga spiritual sequel kuina promote kori thakise.
Anya phale, Haq tu Suparn Verma direct kori ase. Courtroom drama te Yami aru Emraan Hashmi lead role te ase, aru Sheeba Chaddha ekta pivotal role te ase. Film tu landmark Supreme Court judgement Mohd. Ahmed Khan v. Shah Bano Begum upor inspire hoise, juntu Muslim household te matrimonial rights loi thakise.
Haq te Bano laga journey dikhaise — ketiya tai laga husband tai laga first love logot shaadi korise, aru tai laga lora-suwali khan karne financial support dibo mana kori, tai law laga sahara loi justice khujibo jai. Story tu personal faith, social custom aru constitutional law laga complex intersection explore kore. Film tu November 7, last year theatre te release hoise. Positive review paise, box office te matro ₹29 crore worldwide collect kori parise. Kintu January 2 te Netflix te premiere hua pichete film tu nijor audience pabo shuru kori dise.
Add Comment