Manipur: Police khan para tinta betor manu ke dure she, pistol aro gule khan pai she.

Imphal, March 3, 2026: Security forces khan para tinta betor manu ke dure she, alak alak operations kurea homoi Manipur te, ja dua din te, bunduk, gule aro alak saman be pai she koi she.
Ekta 21 sal, kun People’s Revolutionary Party of Kangleipak (PREPAK) laga member ase, tai ke MArch 1 te dure she, Phaknung Awang Leikai te para, kunto Lamlai Police station laga betor te ahea, Imphal East district te. Tai laga nam toh Khundrakpam Anilkumar Singh ase, tai laga hath te para ekta mobile phone pai she koi she.
February 28 te, ekta operation te, security manu khan para Kanglei Yawol Kanna Lup (KYKL) laga ekta member ke dure she Yairipok Lamkhai te para, kunto Thoubal police station laga betor te ahea. Tai laga nam toh Ibungomacha Laishram ase, tai 43 sal ase, aro tai toh Nagaland, Peren district laga Gaili bosti te buhea koi she. Tai laga hath te para ekta mobile phone pai she koi she. Aro February 28 te, elak ekta operation te, police khan para PREPAK (PRO) laga ekta member ke dure she, tai laga ghor te para kunto Wangoi Khaidem Leikai te ase, Imphal West district te. Tai laga nam toh Khaidem Naredra Singh ase koi she. Tai laga hath te para ekta 9 mm pistol aro gule khan pai she koi she.