Mumbai, 3 March : Actor Akshay Kumar hotai award show te audience khan impress kori thake tai laga energetic performance logot. Actor tu recently Zee Cine Awards 2026 te attend korise, kot te tai ghora uporte uthi dramatic entry dise tai laga performance nimite. Itu moment laga ekta video online te ahise, aru fan khan tai laga energy aru fitness level loi pura excited hoise.
Monday din ekta Reddit user ekta clip share korise, kot te dekha jai Akshay turban pindhi ghora chori audience majot jaise aru manu khan tai laga video record kori ase. Event nimite actor tu black formal suit logot white trainers pindhi ase. Fan khan itu “full-blown Khiladi moment” koise, aru 58 saal te bhi tai laga fitness praise korise.
Akshay Zee Cine Awards te Best Actor (Male) Jury Award jitisey tai laga performance nimite Kesari Chapter 2 te. Film te tai Justice C. Shankaran Nair role kori ase. Movie tu mixed review paisey aru worldwide box office te ₹145 crore collect korise.
Akshay laga agey te ahibo laga kunba interesting project bhi ase. Actor tu etia tar horror-comedy Bhoot Bangla release nimite wait kori ase. Film tu Priyadarshan aru Paresh Rawal logot tai laga reunion ase. Itu te Wamiqa Gabbi aru Tabu bhi main role te ase aru 10 April din cinema te release hobo. Film laga first song “Ram Ji Aake Bhala Karenge” Bhool Bhulaiyaa vibes dise, juntu fan khan ke excited korise Akshay ke pun horror-comedy genre te sabo nimite.
Tai laga aru ekta film Welcome to the Jungle bhi pipeline te ase. Ahmed Khan direct kora itu film te Sanjay Dutt, Arshad Warsi, Suniel Shetty, Raveena Tandon, Lara Dutta aru Disha Patani main role te ase. Film tu 26 June din cinema te release hobo. Akshay Priyadarshan laga Haiwaan te bhi dekhi jabo, juntu shooting finish hoi jaise. Film laga release date etia tak announce nohoi.
Add Comment