Madras, 3 March : The Kerala Story 2, Kamakhya Narayan Singh direct kora aru Vipul Amrutlal Shah produce kora, 28 February din theatre te release hoise. 3 March din Madras High Court internet service provider aru cable TV operator khan ke film tu unlawfully broadcast nokoribo nimite restrain korise, The Indian Express report hisab te.
Justice Senthilkumar Ramamoorthy duita application uporte interim order pass korise, juntu movie laga producer Sunshine Pictures Limited file korise, film release age copyright infringement hobole dar karone. Court koise ki copyright ownership proof hisab te producer-plaintiff Central Board of Film Certification (CBFC) certificate submit korise, kot te tai ke producer describe kori ase.
Film tu Vipul Amrutlal Shah produce kora aru tinjon juwan maiki manu laga kahini follow kori, juntu film hisab te deceptive marriage te dhuki jai aru forced religious conversion face kori. Release age film tu legal problem face korise, kot te Kerala High Court Thursday din release stay kori dise. Itu karone film tu release age ketia ghonta baki thaka time te theatre pora uthai loi jaise. Pichete High Court laga division bench stay uthai dise, aru film ke Saturday, 28 February din release hobo dibole allow korise. Kerala laga kunba political leader khan film tu propaganda kuina criticize korise.
Film te Ulka Gupta, Aditi Bhatia, Aishwarya Ojha, Arjan Singh Aujla aru Yuktam Kholsa main role te ase. Box office te, The Kerala Story 2 India te agey tin din te ₹11.35 crore nett earn korise.
Add Comment