Merida, 3 March : Cristina Bucșa Sunday din tar prothom WTA title jitisey, ketiya tai Magdalena Fręch ke 6-1, 4-6, 6-4 score te harai dise hardcourt tournament final te Mérida, Mexico te.
63rd-ranked Bucsa semifinal te 7th-ranked Jasmine Paolini ke haraina tai laga career laga prothom top-10 player uporte win paisey. Tai ekta set bhi nalujai tai laga career laga second final te pohunchise.
Match shuru te Bucsa pura form te ase, prothom tin game jitisey aru fourth game te break hoi jabo pichete bhi next tin game jitisey, karon Frech consistency loi struggle kori ase.
Second set te Frech tai laga game improve kori, aru Bucsa laga error barhi jai. Tai 0-3 te duita break pora pichete pori jai 57th-ranked Polish player logot, juntu strong bhabe match equal kori dise. Kintu third set laga fourth game te Frech break hoi jai.
Ninth game te Bucsa match serve kori thaka time te break hoi jai, kintu next game te duita gutsy volley winner aru Frech laga duita double fault laga help te match finish korina title jitisey.
Add Comment