New Delhi, 3 March : Afghanistan national cricket team June mahina te India tour korina ekta one-off Test aru tinta ODI khelibo kuina Board of Control for Cricket in India (BCCI) Monday din janai dise. Itu series Indian Premier League 2026 season sesh, aru January 2024 te tin-match T20I series pora itu Afghanistan aru India laga prothom bilateral series hobo.
BCCI secretary Devajit Saikia laga statement hisab te, Test match PCA Stadium, New Chandigarh te June 6 pora 10 tak khelibo. ODI series June 14 din HPCA Stadium te shuru hobo. Itu pichete match duita June 17 aru 20 din BRSABV Ekana Cricket Stadium aru MA Chidambaram Stadium te respectively hobo.
Last time ketiya Afghanistan India logot Test khelise, itu June 2018 te tai laga Test cricket debut ase. Itu match te Afghanistan, India national cricket team logot innings aru 262 run pora harise M Chinnaswamy Stadium, Bengaluru te.
Add Comment