Austin, 3 March : Hometown favourite Peyton Stearns Sunday din Taylor Townsend ke 7-6 (10/8), 7-5 te haraina tai laga second WTA title jitisey Austin Open, Austin, Texas te.
Fourth-seeded Stearns, juntu University of Texas at Austin te dui saal collegiate tennis khelise, 2 ghonta 22 minute loi Townsend uporte win lobole parise. Townsend, former doubles world number one, tai laga prothom WTA singles final khelise. Tai match shuru te Stearns ke break kori dise, kintu ninth game te duita set point convert kuribo parianai aru 10th game te break hoi jai, juntu tie-break te loi jaise.
Townsend charta set point bachai dise aru nijor ekta set point bhi paisey, kintu Stearns prothom set pocket kori dise.
Second set te duijon 4-4 te equal ase chari-ta break exchange pora. Kintu Stearns decisive break loise 6-5 lead pai aru calm serve kori match finish kori dise.
World ranking te 62nd thaka American player tu 2024 te Grand Prix SAR La Princesse Lalla Meryem, Rabat te jita claycourt title logot etia hardcourt Austin title add kori dise.
Add Comment