Assam: 3da bacha hari kina thakhea toh Maibang para bachaishe

Guwahati, March 4, 2026: Assam laga Dima Hasao District para 3da bacha toh hari kina thakhishe koishe. Hoilebi taikhan ke bachai dikina family khan logote wapas patai dishe koishe. Yete tate thakhea manu aru family khan kebi mun aram kuri dishe.
Etu jamala toh Dima Hasao District laga Harichandrapur Bosti para report kurishe koishe. Aru Family members khan laga khobor hisab te. Etu bacha khan toh March 2 laga sham para hari kina thakhishe koishe. Aru harea jani ja pichete. Family members khan para Police khan ke janai dishe koishe. Aru media khan kebi janai dishe. Yete para bisarea laga tarika khan suru kurishe.
Yete family members khan khobor dea hisab te. Ekta najane maiki para bacha khan ke kha laga saman di kina loi jaishe koishe. Aru etu khobor toh Social media te borta hoishe. Hoilebi maiki para bacha khan ke Lumding Railway Station te chari dishe koishe. Aru polai jaishe koishe. Yete media te khobor bishi ula nimete. Aru Haflong jaga laga youth khan para etu bacha khan ke chinishe koishe. Aru Police khan ke khobor punchai dishe. Yete para police khan bacha khan ke uthai loishe. Aru family members khan laga haat te wapas didishe koishe.