Birmingham, 4 March : All England Open Badminton Championships kali Birmingham te start hoise. Men’s Singles opening round te Lakshya Sen world No. 1 aru defending champion Shi Yuqi ke 23-21, 19-21, 21-17 te harai dise kali. Etya Sen Round of 16 te advance kori ase, aro tai Ng Ka Long logot khelibo.
Women’s draw te reigning Olympic champion An Se-young laga back-to-back All England title jitibole ekta jeet para start hoise, tai Neslihan Arin ke harai dise.
India laga top mixed doubles juri Tanisha Crasto aru Dhruv Kapila bhi second round te advance kori ase. Tai khan Malaysia laga Hoo Pang Ron aru Cheng Su Yin ke 21-17, 21-19 te harai dise.
Duibar Olympic medallist PV Sindhu kintu itu bar tournament te khelibo napare. West Asia te geopolitical tension thaka karone Dubai airport te atka jaise aru tai ghor te wapas ghuri ahise.
Add Comment