Mizoram: Heroin aru Meth Rs 31 Crore laga paishe

Aizawl, March 6, 2026: Cross Border te drug laga kaam khan rukhabole lagate. Narcotics Control Bureai (NCB) khan para Subsidiary Intelligence (SIB) Mizoram aru Mizoram State Excise & Narcotics Department khan mili kina operation kurishe koishe. Aru yete taikhan para India-Myanmar Border te narcotic saman bishi durishe koishe. Etu toh 3da Operation te thakhishe.
NCB khan laga hisab te. Etu mili kina Operation kurea te. Taikhan para Methamphetamine 36.434 kg durishe. Aru Heroin 905 grams durishe koishe. Etu toh Mizoram laga border para alak alak jagate durishe koishe. Aru yete durea laga drugs khan sob milai kina Rs 31 Crore laga daam ase koishe.
Officials khan para koishe ki. Etu Operation toh khobor pai kina kurea laga ase koishe. Yete Border phane saman anea lagate. Etu toh Myanmar aru Northeastern India laga rasta te. Yete tarika kuri kina 3da agencies laga team khan para alak alak jagate hamla kurishe koishe. Aru Operation kurea homoi te. Taikhan para charta manu ke arrest kurishe koishe. Aru yete arrest kurea manu khan toh Myanmar manu khan thakhishe koishe. Etu saman khan toh India laga alak alak jagate pathabole thakhishe koishe. Aru NCB khan para koishe ki. Taikhan etea investigation khan kurea ase koishe.