New Delhi, March 5, 2026: Ministry of External Affairs (MEA) para Thursday te koi she ki, former U.S. Army Colonel Douglas Macgregor para United States toh India laga naval base khan cholai kena Iran ke hamla kurea khota toh, misa ase koi she.
Etia ja Iran-U.S. jakara te, Mr. Macgregor para US based channel One American News Network te koi she ki, U.S. Navy khan India khan laga port chola ase, Iran te hamla kure bole karne. Hoile be MEA para koi she ki, etu khota toh mesa ase.
MEA para social media X te koi she ki, OAN te khota khan olai, kute US Navy khan para Indian ports khan cholai kena Iran opor te hamla kure toh mesa ase. Tai khan hoshear thake be koi she enia baseless aro mesa khota khan te.
Ekta U.S. submarine para ekta Iranian warship opor te hamla kure she, aro dubai de she Indian Ocean te, Sri Lanka laga osor te, Wednesday te. Etu te 83 neshe na manu mure she koi she.
Add Comment