Prague, March 6, 2026: World Champion D. Gukesh jete bole besare thake she, Iran laga Parham Maghsoodloo logo te draw ho piche te, seventh round te, Prague International festival laga masters section te.
Duata round he bache kena ase, aro Gukesh last te ase, khale duata points pai she etia tuk. Tai charta draw pai she, aro etu opor te tin bar hare she. Aro alak India kun utu event te khelea ase, defending champion Aravindh Chithambaram be Uzbekistan laga Nodirbek Yakubboev logo te draw hoi she. Tai etia fifty percent score pai kena ase seven games khelea toh.
Utu din laga event te, Germany laga Vincent Keymer khale jete bole pare she, tai para Spain laga David Anton Guijarro ke harai de she. Etia laga event te Dutchman Jorden van Foreest toh khali ahda points ahge te ase, Czecg Republic laga David Navara aro Uzbekistan laga Nodribek Abdusattorov ahge te.
Gukesh toh Berlin defense cholai she, aro bhal position besare bole pare she, Maghsoodloo laga hage te. Hoile Iran laga khelari toh khushi thake she position toh enia rukhe bole aro. Game toh 49 moves piche draw hoi jai she.
Add Comment