New Delhi, 7 March : Defending champion China aru North Korea Friday din AFC Women’s Asian Cup 2026 te Group B pora second straight win loina quarterfinal te aasani para agey jaise. Uzbekistan aru Bangladesh duita team bhi lagatar second defeat paise.
China, juntu record barhai 10th title jitibo try kori ase, Uzbekistan ke 3-0 te harai dise. Match te Li Qingtong dui-ta goal kori dise. Itu logote North Korea bhi tournament debut kori thaka Bangladesh ke 5-0 te Western Sydney Stadium te harai dise.
China first half laga 30 minute te goal kori lead loi dise. Shao Ziqin penalty pai, ball ke calm pora bottom left corner te mari goal kori dise, karon tai ke box bhitor foul kori phelai dise.
Uzbekistan goalkeeper Maftuna Jonimqulova alag close-range shot, jaise Shao Ziqin aru Zhang Linyan laga attempt khan bhal pora save korise. Kintu 51 minute te tai nijor teammate logote collide hoi cross intercept koribole try kurise, juntu karone Li Qingtong khali goal te shot mari goal kori dise.
Itu pichete 26 minute pora, Li Qingtong Zhang Xin laga cross pora header mari aru ekta goal kori nijor brace complete korise, aru China karone comfortable 3-0 win secure kori dise.
Add Comment