Manipur: Police khan para pasta betor manu ke dure she Indo-Myanmar border osor te.

Imphal, MArch 17, 2026: Security forces arp police khan para pasta betor manu ke dure she Manipur te, tai khan valley-based insurgent groups (VBIGs) khan logo te link ase koi she, aro National Highway-2 laga case ekta manu ke dure she.
Official source khan laga hesab te, March 16 te, secuirty forces khan para ekta operation kure she borders osor phane, kunto Moreh Police station laga betor te ahea Tengnoupal district te, etu tai khan pasta betor manu ke dure she Border Pillars 73 aro 75 laga betor te, Ino-Myanmar border te.
Tai khan laga nam toh Thangjam Ashok Kumar Singh ase, tai toh Waikhon bosti te para ase. Alak ekjun laga nam toh Laishram Nipamcha Singh ase, tai toh Sagolmang Awang Leikai te para ase koi she. Tai jun toh PREPAK laga member ase koi she. Alak ekjun laga nam toh Thanhjam Manimatum Meitei ase, tai toh Sugnu Awang Leikai te para ase koi she, tai toh KYKL logo te link ase koi she. Aro alak ekjun laga nam toh Laishram Inao Singh ase, tao toh Urup Makha Leikai te para ase. Chingangbam Shakti Singh, tai toh Lamla Nongada para ase, tai jun toh KCP-MFL laga member ase koi she.
Aro etu moina laga shuru te, ekta trcuk jolai laga case te, kunto March 2 te hoi she NH-2 te, police khan para March 14 te hamla kurea manu ke dure she, tai laga nam toh Ramayo Vashum ase, tai toh 51 sal ase, aro tai toh kathiko Karong te para ase.