New Delhi, 20 March : Project Hail Mary etiya theatres te release hoise, aru etu Ryan Gosling laga ekdom alag type film—rom-com nohoi, ekta sci-fi adventure.
Film tu Phil Lord aru Christopher Miller direct kori ase. Story te Gosling Ryland Grace role te ase—ekta middle school science teacher juntu molecular biology background ase, aru tai ekla spaceship te uthai jaise, nijor past ki hoise ekdom yaad nohoi. Itu pichete ekta high-stakes journey start hoi, kitia heavy science thakile bhi humour etu story ke interesting rakhe.
Early reviews bisi positive ase. Film tu Rotten Tomatoes te 95% score loi debut kori ase, aru social media te manu khan bisi praise kori ase. Kunba manu koise ki Gosling itu bar ekta strong sci-fi project loi ahise, Blade Runner 2049 pichete. Aru kunba manu etu ke Interstellar logot compare bhi kori ase.
Overall reaction tu bisi positive—manu khan etu ke entertaining, engaging aru emotional experience kuina describe kori ase. Bishi manu koise ki Ryan Gosling etiya prove kori dise ki tai ekla ekta big blockbuster carry kori paribo.
Jodi tumi ekta gripping sci-fi film bisare juntu big ideas aru entertainment balance kore, Project Hail Mary tu March 26 pora theatres te check kori lobi.
Add Comment