Seoul, 21 March : BTS etiya records break kori dise tar fifth full album Arirang logot, juntu first day te he 3.98 million copies sell hoise, Big Hit Music hisaabe. Etu K-pop te ekdom notun benchmark set kori dise, aru tai laga previous record ke bhi surpass kori dise.
Album tu worldwide bisi popular hoise—iTunes Top Albums chart te 88 countries te No.1 hoise, including Italy, Mexico aru Sweden. Lead track Swim bhi 90 countries te Top Songs chart te No.1, including US, UK, Japan, Germany aru France. South Korea te, etu song Melon aru Bugs te turant No.1 bonise, aru album laga sob songs Melon Top 100 te enter kori dise.
Swim laga music video bhi global level te trend kori ase—70 ta countries te No.1 trending, juntu US, UK, Mexico aru France bhi include ase. Strong visuals, energetic choreography aru BTS laga storytelling style fans khan ke pura attract kori ase. Album tu Bang Si-hyuk guidance te produce kora, aru BTS laga identity, struggles aru growth, perseverance aru resilience laga emotions reflect kore. “Swim” life laga challenges ke face kori agey te jai thaka message diye.
Etu achievement, BTS laga purana record Map of the Soul: 7 (3.37 million first-week sales, 2020) ke bhi pichhe pelai dise, aru etu dekhai ki BTS laga global fanbase ARMY etiya bhi ketiya strong ase.
Itu logot, BTS soon perform koribo BTS The Comeback Live: Arirang te Gwanghwamun Square, juntu almost 4 saal pora tai laga full-group comeback performance hobo. Etu concert Netflix te worldwide live stream hobo. India te fans khan March 21, 2026 din 4:30 PM IST te live sabo paribo.
Add Comment