New Delhi, 24 March : HYBE, juntu BTS aru KATSEYE ke manage kore, etiya officially India te enter kori ase HYBE India audition launch korise. Audition laga launch video aru poster X (former Twitter) te Tuesday din release kori dise.
HYBE India te tai laga famous artist development system localise koribo—juntu talent discover, train aru global level te successful artists bonabo karne jana ase. Audition March 31 pora start hobo.
Itu audition India aru Indian diaspora laga aspiring music talents khujibo karne ase. Process online aru offline duita format te hobo. Offline auditions Ahmedabad, Bengaluru, Chandigarh, Chennai, Delhi, Guwahati, Hyderabad, Kolkata, Mumbai aru Pune te hobo.
BookMyShow ticketing partner hisab te join koribo, aru on-ground pop-up events, retail engagements aru digital participation bhi thakibo. Detailed information—timeline, eligibility aru guidelines—khub joldi announce koribo.
Selected applicants ke HYBE laga world-class training aru production system te enter koribo opportunity diya jabo, kuntu creative development, performance training aru global storytelling milaikena artists ke international stage karne ready koribo.
Add Comment