New Delhi, 25 March : Trailer for Spider-Man: Brand New Day, starring Tom Holland, March 17 te release hoise aru film history te first trailer hoise juntu one billion views cross kori dise.
Sony Pictures release kora trailer tu matro 4 din bhitorot one billion views hit kori dise, aru WaveMetrix hisab te Tuesday porjonto etu 1.1 billion cross korise.
Etu agey te record break kori dise juntu Deadpool & Wolverine (Ryan Reynolds aru Hugh Jackman) aru Spider-Man: No Way Home dhori rakhi thakise. Spider-Man: Brand New Day 24 ghonta te 718.6 million views paiseooo, aru Grand Theft Auto VI trailer record (475 million) bhi beat kori dise.
Film tu July 31 te theatres te release hobo, aru Destin Daniel Cretton direct kori ase. Cast te Zendaya, Sadie Sink, Jacob Batalon, Jon Bernthal, Mark Ruffalo aru bishi ase. Etu Marvel Cinematic Universe Phase Six part ase.
Trailer te dekha jai Peter Parker ekta situation te ase kutey sob manu, including tai laga girlfriend MJ aru best friend Ned Leeds, tai ke chini napai. 4 saal pora, tai New York City ke protect kori ase ekta notun threat pora, aru Bruce Banner / Hulk help bisari ase.
Etu Sony Pictures aru Marvel Cinematic Universe logote 4th Spider-Man film ase, Spider-Man: Homecoming, Spider-Man: Far From Home aru Spider-Man: No Way Home pora.
Add Comment