Mumbai, 26 March : Rashmika Mandanna aru Vijay Deverakonda, actor-couple, Thursday din shaadi kuria ek mahina complete kora celebrate korise, aru nijor Instagram te wedding photos share korise. Duita laga shaadi special kora karne maiki (women) help kori dise, itu karone gratitude note bhi likhi ase.
Photos khan Rashmika Mandanna aru Vijay Deverakonda family, friends aru close manuh logote celebrate kori thaka dekhi jaise. Kunba photo te duijon eki logote hasi hasi pose diya ase, aru ekta photo te Vijay, Rashmika ke dhori thaki camera te pose diya ase. ekta photo te duijon ek dusra ke dhori hasi thaki ase.
Taijun February 26 din Udaipur te ekta luxury hotel te private ceremony te shaadi korise. Itu pichete reception Taj Krishna te hold kori ase.
Rashmika Mandanna aru Vijay Deverakonda age pora Geetha Govindam aru Dear Comrade te eki logot kaam kori ase, aru 7 saal dhori relationship te thakise. Kintu shaadi age olop din agey hi public te confirm korise, aru fans pora diya naam “Virosh” kuina shaadi ke koi ase.
Taijun aru ekbar kaam koribo Ranabaali naam laga period drama te, juntu Rahul Sankrityan direct kori ase. Film tu September 11 din worldwide theatres te release hobo.
Add Comment