Arunachal: Nutun butterfly species pai she Arunachal te, nam toh Zubeen de she

Itanagar, March 29, 2026: Ekta nutun butterfly laga jat pai she Arunachal Pradesh laga Leparada district te. Butterfly laga nam toh Assam khan laga dangor singer Zubeen Garg laga nam de she, kun September 19, 2025 te mure she. Butterfly laga scientific nam toh Euthalia zubeengargi ase, 2025 laga sal te Roshan Upadhaya of RIMT University Punjab aro Kalesh Sadasivan of the Travancore Natural History Society laga researches khan survey kurea homoi, utu nutun butterfly laga jat pai she. Researchers khan para common nam toh “Basar Duke” deshe. Association for Advancement of Entomology laga journal, utu researches khan para Entomon toh publish kure she. Tai khan moina karne besare she, hoile be khale duta mota butterfly pai she. Ekta toh dure she, aro ekta toh photo loi she.