New Delhi, 18 April : Disney etiya cinema exhibition side te ekta dangor step loi ase, juntu Infinity Vision naamor ekta notun large-format screen certification launch koribo karone. Etu system tu IMAX logot direct competition kuina dekha jaise, aru rollout Avengers: Doomsday release (December) time te hobo kuina expect kori ase.
Report hisab te, Infinity Vision label pabo karone auditorium khan te komsekom 50-foot wide screen, laser projection aru Dolby Laboratories laga 7.1 surround sound system thakibo lage. 5,500 screens worldwide etu standard meet koribole possible ase — juntu IMAX laga current screens number pora bisi ase.
Itia tak AMC Entertainment (XL), Regal Cineworld Group (RPX) aru Cinemark (XD) nijor nijor premium formats alag market kori ase. Disney etiya multiple theatre chains logot kotha pati ase Infinity Vision rollout karone, hoilebi full details etiya disclose kora nai.
Etu move tu partly “Dunesday” clash logot related kuina bhi kowa jaise — ketiya Avengers: Doomsday aru Dune: Part Three ek din te release hobo. IMAX already Dune: Part Three jonne screening agreement loi ase, juntu Disney jonne ekta financial aru prestige loss hoise, karon tai khan IMAX revenue te dangor contribution di thake.
Avengers: Doomsday te Anthony Russo aru Joe Russo phir ahi director hisab te kam kori ase, aru Robert Downey Jr. bhi MCU te return kori ase — kintu etiya Doctor Doom role te.
Anfale, Dune: Part Three, juntu Denis Villeneuve direct kori ase, Timothee Chalamet lead te thaki Dune trilogy complete koribo. Etu duita dangor film eki logot release howa karone, Infinity Vision rollout industry te ekta major shift hoi jabo kuina expect kori ase.
Add Comment