Andhra Pradesh, May 9, 2026: 2 lakhs acres laga mati te, ppani pabole ase aha future te, government laga ekta dangor irrigation project khotom ho piche. Etu project toh Vizianagaram aro Srikakulam districts te bana ase.
Chief Minister N. Chandrababu Naidu para Vizianagaram Collector S. Ramsundar Reddy aro Srikakulam Collector Swapnil Dinakar Pundkar ke direct kure she, necessary actions khan lobole, etu project toh kina hoi le be khotom kure bole karne.
Government laga plan hesab te, Nagavali aro Champavati nodi toh link kure de bo 2027 te. Etu join kure de she koile toh Vizianagaram city khan lab pabo. Etu city toh etia karne khale Champavati nodi te para he pani khabole pa ase. Government toh planning kurea ase Neradi project toh juldi khotom kure kena, Vamsadhara pani toh bhal para chola bole bare bo karne.
Irrigation officials khan ke direct kure she, pani rasta bana bole karne, Thotapalli reservoir te para Vizianagaram aro Parvatipuram thuk pani punchi bole.
Add Comment