Tashkent, 11 May : Asian Under-15 Boxing Championships te, India laga six pugilist final te ghusise aru seven manu bronze medal loi settle korishe Tashkent te kali.
Semifinal bout khan te, Yash Kumar UAE laga Kiyan Iqbal ke dominant 5-0 pora harai 33 kg final te ghusise. 37 kg category te, Sastha Vasanth Ashok Kumar Kyrgyzstan laga Aziretali Sanzharbekov ke haraise.
43 kg category te, Samir Bohra Uzbekistan laga Adizbek Ilkhombekov laga biruddhe 4-1 victory register korishe, aru 52 kg semifinal bout te Sudarsan Vasudeva Chandak Iran laga Amirmahdi Shad laga biruddhe RSC victory paishe.
58 kg semifinal bout te, Mohd Yasser Iran laga Seyyedariyamohammad Mousa ke unanimous 5-0 verdict pora haraise. Ronak Parag Lokhande bhi Kyrgyzstan’r Mukhammadali Berdikulov laga 67 kg category te RSC victory loi India laga winning run complete korishe.
Kintu Rohit Pothina, Nitin, Nongpoknganba Meitei Oina, Parshant, Harshvardhan Jeena, Dev aru Sushant Jayani nijor semifinal bout harijai nijor respective category te bronze medal paishe.
Etiya India laga itu six finalist khan nijor nijor weight division te gold medal jitle try koribo.
Add Comment