Gujarat, 11 May : India prestigious 2026 Asian Weightlifting Championships host koribole set ase, Gujarat laga Gandhinagar te aji pora start hobo. 44 saal piche India first time itu event host korishe. Championship tu ei mahina laga 17 tarik te khotom hobo.
Lagbhag 28 desh pora 180 athlete Asia laga dangor weightlifting event khan majot ekta te compete koribo. Itu championship upcoming Commonwealth Games aru Asian Games qualification nimite bhi important event ase.
India, China aru Sri Lanka sobse bisi squad loi ahise, 16 ta kore lifter logot. Chinese Taipei laga 15 participant thakibo. India laga campaign experienced lifter Bindyarani Devi aru Ajith Narayana lead koribo, logot Nirupama Devi, Lovepreet Singh aru Bedabarat Bharali bhi ase.
Kintu Olympic silver medallist Saikhom Mirabai Chanu injury karone championship miss koribo. Nijor mati te khelibo karone, India pichla edition Jiangshan, China te disappointing performance piche etiya bhal result koribole try koribo.
Add Comment