New Delhi, May 14, 2026: National Investigation Agency (NIA) para 7,500 page charge sheet file kure she dos jun laga khelaf, Red Fort area gari bomb phutea laga case karne. Charges file kunto NIA special court te pathai she Patiala House Court te, etu hesab te, dos jun manu, aro Dr Umen Un Nabi kun main toh ase, tai khan Ansar Ghazwat-ul-Hind (AGuH0 organisation logo te link thake she. Etu organisation toh al-Qaeda te para ola laga ase Indian Subcontinent te (AQIS). Ministry of Home Affairs para June 2018 te AQIS toh ekta terrorist organisation ase koine notify de she. Pulwama te thakea Dr Nabi toh ekta gari cholai thake she, bomb toh phutea homoi November 10, 2025 te. Tai toh Al-Falah University laga ekta assistant professor thake she. Charge sheet te laka manu khan laga nam thakea khan toh Aamir Rashid Mir, Jasir Bilal Wani, Dr. Muzamil Shakeel, Dr. Adeel Ahmed Rather, Dr. Shaheen Saeed, Mufti Irfan Ahmad Wagay, Soyab, Dr. Bilal Naseer Malla aro Yasir Ahmad Dar khan thake she.
Red Fort Bomb blast case: NIA para 7,500 page charge sheet file kure she dos jun manu opor te
