Manila, May 21, 2026: Philippine government khan para Thursday te order de she police khan ke, ekta Senator ke dure bole karne, kun ke International Criminal Court (ICC) khan para besarea ase.
Utu senator toh former President Rodrigo Duterte laga drug crackdown te be shamel thake she koi she.
Justice Secretary Fredderick Vida para reporters khan ke koi she ki, Philippine law enforcement agencies khan ke direct kure de she, Philippine National Police (PNP) aro National Bureau of Investigation (NBI) neshe khan ke, Senator Ronald ‘Bato’ dela Rosa ke dure bole karne.
Philippine laga Supreme Court para ruling kure she Wednesday te, Philippine laga former police Chief Dela Rosa ke restraining order khale de bole karne. Malap ICC laga warrant toh chola bole pare jabo.
