United States, 24 May 2026: Ekta suspect kun ke goli mari dishey White House checkpoint te taike murai dishey goli mara exchange hwa time te Secret Service agents lokot Saturday din saam te, officials khan pra confirmed kuri shey. BBC laka US media partner CBS news pra suspect ke named kuri shey Nasire Best, 21 saal mota hoina kun ke jani thaki shey protection agency te aro documented history thaki shey mental health conditions laka. US president Donald Trump pra officers khan ke thanks dishey taikhan laka swift aro professional action nimite gunman ke dhuribo leh, kun tai koishey Truth Social post te koishey violent history thaki shey aro possible obsession moikhan laka country laka sopse cherished structure lokot. Shooting toh ek month hoi kina ahishey gunman goli mara pichideh White House Correspondents’ Dinner te. Incident toh Saturday din te investigation under te ase aro rasta closures White House osor te thakibo pareh overnight.
Suspect ke murai dishey goli mara pichideh Secret Service opor te White House te
