Dharamshala, 26 May : IPL 2026 playoff cricket te, defending champions Royal Challengers Bengaluru aji Gujarat Titans logot Qualifier One khelibo, Dharamshala te. Match 7:30 PM te start hobo. Match laga winner directly IPL 2026 Final te qualify kuribo, kitia harija team Qualifier Two te aro ekta chance pabo.
Kali, Sunrisers HyderabadRajasthan Royals logot Eliminator te face kuribo Mohali te. Match bhi 7:30 PM te start hobo. Harija team tournament para out hoi jabo, kitia winner Qualifier Two te jai jabo.
Royal Challengers Bengaluru playoffs te qualify kuribole first team hoisile, taikhan laga victory paa pichete Punjab Kings khilaf.
RCB 14 matches pora 18 points logot table top kuri khotom kurise, Net Run Rate basis te Gujarat Titans aru Sunrisers Hyderabad ke ahead rakhina, kuntu duita team bhi 18 points te finish kurise. Rajasthan Royals 16 points logot fourth aru final playoff spot secure kuri loise.
