Dharamshala, 27 May : IPL Cricket te Royal Challengers Bengaluru Qualifier 1 te Gujarat Titans ke 92 runs pora harai kina final te ghusishey kali Dharamshala te. 255 runs laga dangor target chase kuri thaka Gujarat Titans 162 runs te all out hoise, 3 balls baki thakise. Rahul Tewatia highest scorer ase 68 runs logot. Bengaluru nimite Jacob Duffy 3 wickets loise, aru Bhuvneshwar Kumar, Rasikh Salam Dar aru Krunal Pandya duita-duita wickets loise.
Age te batting kori, Royal Challengers Bengaluru 20 overs te 5 wickets haraikena dangor 254 runs score kurise. Captain Rajat Patidar unbeaten 93 runs khali 33 balls pora mari captain’s knock khelise. Virat Kohli aru Krunal Pandya 43-43 runs add kurise. Gujarat Titans nimite Kagiso Rabada aru Jason Holder duita-duita wickets loise. Rajat Patidar ke Player of the Match declare kuri dise.
Aji eliminator match te Sunrisers Hyderabad aru Rajasthan Royals New Chandigarh, Mohali te 7:30 PM te khelibo. Jeetia team Friday din Qualifier 2 te Gujarat Titans logot final te jaabole fight kuribo. Final match tu itu month laga 31 tarik te Narendra Modi Stadium te hobo.
