Singapore, 28 May : Badminton te P. V. Sindhu aru Lakshya Sen contrasting wins logot Singapore Open kar quarterfinals te advance korishe, kuntu time H. S. Prannoy tournament pora out hoise.
Double Olympic medallist Sindhu matro 37 minutes loise Japan laga Riko Gunji ke 21-9, 21-12 te harabole second-round match te. Sindhu quarterfinals te Korea laga top seed An Se-young logot khelibo. Sindhu etiya tak Olympic champion ke ekbar bhi harabo para nai aru 8 bar harise.
Lakshya Sen bhi quarterfinals te qualify korishe after second seed Kunlavut Vitidsarn back problem karone matro dui points piche retire hoise. Lakshya Japan laga Koki Watanabe logot next round te samna koribo.
Men’s doubles te Satwiksairaj Rankireddy aru Chirag Shetty pair bhi quarterfinals te jaise. Asian Games champions Satwik aru Chirag next Malaysia laga Kang Khai Xing aru Aaron Tai pair logot khelibo.
India laga mixed doubles pair Dhruv Kapila aru Tanisha Crasto bhi quarterfinals te advance korishe.
Kintu HS Prannoy home favourite Loh Kean Yew logot 61-minute contest te 18-21, 21-16, 15-21 te harise.
