Kakamigahara, 28 May : Indian contingent Under-18 Asia Cup Hockey 2026 te khelibole fully ready ase, jitu kali pora Kakamigahara, Japan te start hobo aru June 6 tak cholibo.
Men’s competition te India Pool A te ase, host Japan, Korea, Chinese Taipei aru Kazakhstan logot. India nijor campaign Kazakhstan logot May 29 te start koribo. Itu pichete May 31 te Japan logot, June 1 te Korea logot aru June 3 te Chinese Taipei logot match thakibo.
Pool B te Malaysia, Pakistan, Bangladesh aru China ase.
Meanwhile, Indian U-18 girls’ team bhi Pool A te draw hoise. Taikhan nijor campaign Malaysia logot May 30 te start koribo, itu piche May 31 te Korea logot aru June 2 te Singapore logot khelibo.
Girls Pool B te China, Japan, Chinese Taipei aru Bangladesh ase.
Duita pools pora top two teams semi-finals te qualify koribo, jitu June 5 te hobo, aru final June 6 te khelibo.
