Beijing, June 4, 2026: China para charta New Zealand laga MP ke ek sal karne ban kure de she, tai khan Taiwan te ja karne, New Zealand laga Foreign ministry para enia koi she.
Chinese khan laga Embassy para koi she, tai khan ban toh komti nahoile hatai de bole pare bo, tai khan maff mangea she koile toh.
China khan toh beshe sal karne koi kena ahea ase ki, Taiwan toh tai khan laga ase, aro Taiwan khan ke bahar manu khan ke lok pabole rokhabole khushesh kure kena ahea ase.
Hoile be etu first time ase, China khan ban halea toh New Zealand laga MPs khan laga opor te, Taiwan te ja karne. Foreign Minister Winston Peters toh shock hoi she koi she.
Tai para koi she ki, New Zealand laga MPs khan toh poila te para be Taiwan te jai thakea. May te, MPs Maureen Pugh, David Wilson, Laura McClure aro Duncan Webb khan Taiwan te jai she koi she.
