London, June 13, 2026: Friday te, ekta U.K. Judge para Palestine Action group laga charta activist ke jail laga saza de she, ekta Israeli defence firm te gushe kena $1 million laga saman bea kure dea karne.
Judge para rule kure she ki, etu toh ekta terrorist act ase koi she. Saza pa laga nam khan toh Charlotte Head, Samuel Corner, Leona Kamio aro Fatema Rajwani thake she. Tai khan ja moina te, Elbit systems khan laga saman khan bea kure she koi she, Bristol te.
Tai khan lal boiler suits cholai kena, computers, drones aro alak saman khan bea kure de she, tai khan security guards aro police khan logo te be jakara kure she, kun tai khan ke rokhabole khushesh kure thake she, August 2024 laga raid te.
Corner, kun 23 sal ase, tai para police officer Kate Evans ke dua bar mare she koi she, bismartol para, tai laga spine fracture kure de she koi she. Utu group khan toh drones aro hatarea khan bea kure bole khushesh kure thake she.
