Guwahati, June 14, 2026: Assam laga Bongaigaon district education authorities para sob government, provincialised aro private schools khan ke direct kure she ki, bacha khan laga school bag toh 5 kg opor naho bole lagea. Directive toh District Elementary Education Officer aro Inspector of Schools Pallavi Medhi para issue kure she, Assam government laga Elementary Education Department para ko piche. Notification laga hesab te, schools khan student laga bags toh dea bhare opor naja bole lagea koi she. Class 1 aro 2 khan karne toh 1.5kg opor jabole napare bo, class 3 khan karne 2-3 kg, class 4-7 toh 4 kg, class 8-9 toh 4.5kg, aro class 10 toh 5 kg. Order toh head teachers aro principals khan ke de deshe, district laga sob school te. Notification dea te be warning de she ki, school kunto toh order hesab te najai she koile toh action lobo koi she.
Assam: Bongaigain te school bag khan khan 5 kg opor nahobole lagae students khan karne
