Imphal, June 15, 2026: June 15, Monday din laga phuzur te. Manipur laga Kangpokpi District te nutun jamala ulaishe koishe. Etu toh Leilon Vaiphei aru Konsakhul Bosti osor te ulaishe koishe. Yete Banduk guli marishe koishe.
Local khan laga khobor hisab te. Etu jamala para osor thakhea manu ke chinta kuri dea ase koishe. Reports laga hisab te. 3da manu nishina jokhum hoishe koishe. Banduk guli mari kina. Security Forces khan etea alert te ase. Aru etu jamala aru dangor nakuribole nimete sai ase koishe.
Etea tak District Administration, Police nahoilebi Security Agencies khan para eku Official Statement khan janai dea nai koishe. Aru etu 3da jokhum hoa manu laga nam aru halat khan janai dea nai koishe. Eteabi aru khobor janibole nimete. Authorities khan tarika kurea ase koishe.
