Imphal, June 20, 2026: Yete State laga alak alak Districts khan te. Security Forces aru Manipur Police khan mili kina operation kurishe koishe. Yete taikhan para bitor manu kunba ke durishe koishe. Taikhan toh manu ke damki dikina birai thakhishe. Aru Manu khan ke group te anibole mati thakhishe koishe.
Official khan laga khobor hisab te. June 19 din te. Security Forces khan para KCP ke durishe koishe. Tai toh Wangkhem Premjit Singh (46) ase koishe. Taike tai nijor laga ghor para durishe koishe. Etu toh Imphal West District laga Luker Mayai Leikai te ase.
Etu laga eki din te. Security khan para alak operation kurishe koishe ISBT Complex laga osor te. Yete taikhan para RPF.PLA member ke durishe. Tai toh RK Solomon Singh (51) ase koishe. Aru tai toh Imphal West laga Kamjong District laga Phange Bosti para durishe koishe. Operation kurea homoi te. Security khan para Bacha ekta ke bachaishe koishe. Etu bacha ke group te gushabole khushi kuri thakhishe koishe.
June 19 din laga alak operation tebi. Manipur Police khan para KCP member ke durishe. Tai toh Surensangbam Bungcha (46) ase koishe. Taike Imphal West District laga Maibam Leikai para durishe koishe.
